தொழுகையை முடித்தவுடன் ஓதவேண்டிய முக்கியமான துஆ...

அல்லாஹ்வால் எமக்குக் கடமையாக்கப்பட்ட ஐம்பெரும் கடமைகளில் இரண்டாவது பெரும் கடமையாக தொழுகை விளங்குகின்றது. மகத்தான இத் தொழுகையை முடித்தவுடன்...

அல்லாஹ்வால் எமக்குக் கடமையாக்கப்பட்ட ஐம்பெரும் கடமைகளில் இரண்டாவது பெரும் கடமையாக தொழுகை விளங்குகின்றது.

மகத்தான இத் தொழுகையை முடித்தவுடன் சில சுன்னத்தான துஆக்களையும் ஓதிக் கொள்வதை நபிகள் நாயகம் ﷺ அவர்கள் காட்டித் தந்துள்ளார்கள். அவைகளைக் குறித்துத்தான் இப்பொழுது நாம் ஹதீஸ் தொகுப்பில் இருந்து ஆராயவுள்ளோம்.

இப்னு அப்பாஸ் (ரழி) அவர்கள் அறிவிக்கின்றார்கள்:- "நபிகள் நாயகம் ﷺ அவர்கள் தொழுகையை முடித்து விட்டார்கள் என்பதைத் தக்பீர் மூலம் நான் அறிந்து கொள்வேன்."

(புகாரி:- 842)

ஆக இந்த ஹதீஸின் மூலம் நபிகள் நாயகம் ﷺ அவர்கள் தொழுகையை முடித்தவுடன் அதாவது ஸலாம் கொடுத்தவுடன் "அல்லாஹு அக்பர்" என்று 'தக்பீர்' சொல்லுவார்கள் என்பதை நாம் விளங்கிக் கொள்ளலாம். மேலும்....

ஸவ்பான் (ரழி) அவர்கள் அறிவிக்கின்றார்கள்:- நபிகள் நாயகம் ﷺ அவர்கள் தொழுகையை முடித்த பின்னர் ('அஸ்தஃபிருல்லாஹ்' என்று கூறி) மூன்று முறை இஸ்திஃபார் செய்வார்கள். மேலும் அல்லாஹும்ம அன்தஸ்ஸலாம், வமின்கஸ்ஸலாம், தபாரக்த யாதல் ஜலாலி வல் இக்ராம். (இதன் பொருள்:- இறைவா நீ சாந்தி அளிப்பவன். உன்னிடமிருந்தே சாந்தி ஏற்படுகின்றது. நீ மகத்துவமும், கண்ணியமும் உடையவன்) என்று கூறுவார்கள்.
(முஸ்லிம்:- 931)

 

ஆகவே நபிகள் நாயகம் ﷺ அவர்கள் தொழுகையை முடித்தவுடன் ஓதும்படி காட்டித்தந்த துஆக்கள்...

01> அல்லாஹு அக்பர்...

02> அஸ்தஃபிருல்லாஹ்...

03> அல்லாஹும்ம அன்தஸ்ஸலாம், வமின்கஸ்ஸலாம், தபாரக்த யாதல் ஜலாலி வல் இக்ராம்...

எனவே நபிகள் நாயகம் ﷺ அவர்கள் காட்டித்தந்த இத்தகைய துஆக்களை நாமும் எமது வாழ்க்கையில் கடைபிடித்து நடப்பதற்கு எல்லாம் வல்ல அல்லாஹ் நம் அத்தனை போருக்கும் கிருபை செய்வானாக...

ஆமீன்...! ஆமீன்...! யாரப்பல் ஆலமீன்...!

As-safeenah